真
呢幾日叫做派晒卷 老實話,我覺得自己唔錯嫁 雖然到真係考個陣,可能又唔同 但至少呢一刻我真係覺得幾開心 有時我 明明高分,不過又笑笑口話一般個陣,九成九都係客套說話 其實我個心不知幾爽 唔通大大聲YEAH!YEAH!YEAH!我有XX分咩 所以呢,我一返學就會變得表裏不一啦!!!!哈
發表文章
麵
左:日本幼麥麵 中:日本手打扁烏冬 右:日本手打烏冬 呢三種麵都係同一個牌子(MARUYONE) 我食過既係中間個包(日本手打扁烏冬) 係惠康賣$15.50 係就係貴少少 但真係 好好好好好好味 扁烏冬既質感真係好正 軟得黎又滑,滑得黎又有D黏口,黏口得黎又唔痴牙,仲要有少少彈性 感覺就好似意大利粉同烏冬既混合體 可以話係我人生之中食過最好既麵之一 其他個兩包我估都唔差 畢竟同一間公司出 得閒試埋其餘個兩包
魚
呢幾日,我發覺到我條米奇個身有少少白點 再加埋佢呆呆滯滯咁既樣 我諗佢好大可能係患上白點病.......... 不怪得之我隻蝦呢排都唔搞米奇 都唔知係唔係驚佢有病 希望聽日換左水之後,米奇你會康復
